बीमा विधेयक प्रमाणीकरण भएको छ । आज असोज २३ गते राष्ट्रपति विद्यादेवी भण्डारीले बीमा सम्बन्धी कानूनलाई संशोधन र एकीकरण गर्न बनेको विधेयक प्रमाणीकरण गरेकी हुन् ।
विधेयक प्रमाणीकरण भएसँगै अब यसले ऐनको रुप लिने छ । यससँगै अब बीमा क्षेत्रको नियामक निकायको रुपमा रहेको बीमा समिति बीमा प्राधिकरणमा रुपान्तरण हुने छ ।
सरकारले बिमा कम्पनीहरुको नियामक निकाय बिमा समितिलाई खारेज गरी बिमा व्यवसायको नियमनकारी निकायको रुपमा नेपाल बिमा प्राधिकरण स्थापनाको तयारी गरेको हो । बीमा सम्बन्धी कानूनलाई संशोधन र एकीकरण गर्न यो बिधेयक ल्याएको हो।
त्यस्तै उनले सार्वजनिक ऋण व्यवस्थापन सम्बन्धी कानूनलाई संशोधन र एकीकरण गर्न बनेको विधेयक र पशु स्वास्थ्य तथा पशु सेवा व्यवसायी परिषद् सम्बन्धमा व्यवस्था गर्न बनेको विधेयक प्रमाणीकरण गरेकी छिन् ।