.gif)
नेपाल राष्ट्र बैंकका गभर्नर महाप्रसाद अधिकारीले ५० प्रतिशत कर्जा आयातमा जाादा तरलता अभाव भएको बताएका छन् । बिहिबार अर्थ समितिको बैठकमा हालको आर्थिक अवस्थाबारे जानकारी दिदै उनले कर्जा बढ्दा तरलतामा चाप परेको र कूल कर्जाको ५० प्रतिशत कर्जा आयातको लागि प्रयोग भएकोले तरलताको समस्या देखिएको बताएका हुन् ।
पुँजीगत खर्च लक्ष्यअनुसार बढ्न नसक्दा पनि तरलता व्यवस्थापन गर्न समस्या भइरहेको उनले बताए । हाल कर्जा र निक्षेपबीच साढे ३ खर्बको अन्तर रहेको उनले बताए। उनका अनुसार साउनपछि ४११ अर्ब कर्जा प्रवाह भएको छ भने ६४ अर्ब मात्रै निक्षेप संकलन भएको छ । उराष्ट्र बैंकले २३ खर्ब ८६ अर्ब तरलता रिपोमार्फत् बैंकिङ प्रणाली पठाईसकिएको उनले बताए।
उनले अर्को महिनाबाट फेरी ब्याजदर बढ्न सक्ने बताए। निक्षेपको ब्याजदर बढ्ने , बेसरेट पनि बढ्ने र कर्जाको औसत ब्याजदर पनि बढ्ने उनको भनाई छ । तरलता समस्या रहेको समयमा ब्याजदर थोरै बढ्दा आत्तिने नहुने उनले बताए ।
छलफलमा अर्थमन्त्री जनार्दन पौडेलले अर्थतन्त्रमा आएको समस्या आजको नभएको र यसअघि बनेका नीतिका कारण अहिले समस्या देखिएको बताए। बैकिङ क्षेत्रमा देखिएको समस्या आफूले गरेको नितिगत प्रभाव र कामकारबाहीको कारणले नभएको उनको दाबी थियो । अघिल्लो सरकारको नीतिको कारण अहिले समस्या देखिएको र आफुले अब समस्याको समाधान गर्ने बताए । आफुले राजश्व प्रणाली, खर्च प्रणाली लगायतमा सुधार गरि सस्थागत संरचनामा सुधार गर्ने बताए । सरकारले आयातलाई निरुत्साहित गर्दै निर्यात बढाउन प्रोत्साहन गर्ने, उत्पादन मुलुक २० वटा क्षेत्र छनौट गरि त्यसमा लगानी बढाउने उनको भनाई थियो ।
आफुलाई अर्थतन्त्र नबुझेको भन्ने महाशयहरुलाई आफुले चिनेको र चालु आर्थिक वर्षको आर्थिक वृद्धिदर ७ प्रतिशत नै हुने गरि काम गर्ने उनले बताए । मन्त्री शर्माले ७ प्रतिशतको आर्थिक वृद्धि जसरी भए पनि हाँसिल गरेर देखाउने बताएका हुन् ।
.gif)
