मलेसियास्थित लिंकन युनिभर्सिटी कलेजबाट सम्बन्धन प्राप्त गरेको दाबी गर्दै काठमाडौँसहित नेपालका विभिन्न ठाउँमा संचालनमा रहेका शिक्षण संस्थाहरूबारे समाचार लेख्दा बिजपाटीलाई अज्ञात व्यक्तिले फोन गरेर धम्की दिएका छन् ।
९८१८७००९३६ नम्बरबाट बिजपाटीकर्मीलाई फोन गरेर केस हाल्ने धम्की दिएका ती व्यक्तिले आफ्नो नाम भने खुलाएनन् । 'लिंकनका बारेमा समाचार किन लेखेको ? केस हाल्दिम ?' उनको धम्की थियो ।
विदेशी विश्वविद्यालयबाट सम्बन्धन प्राप्त गरेको दाबीसाथ नेपालमा खुलेका शिक्षण संस्थाहरू अवैध रूपमा चलेको पाइएको छ यही तथ्य स्थापित गर्न बिजपाटीले विभिन्न स्रोतबाट प्राप्त गरेको आधिकारिक दस्तावेजअनुसार समाचारको शृंखला शुरू गरेको छ ।
हजारौं विद्यार्थीको भविष्यमाथि खेलबाड गरिरहेका सम्बन्धन वाला शिक्षण संस्थाहरू आफैं सर्टिफिकेट र मार्कशिट छापेर अवैध रूपमा बाँडिरहेको तथ्य बिजपाटीसँग सुरक्षित छ ।
त्यस्तै मनोमानीपूर्ण ढंगले विद्यार्थी ठग्ने, भविष्य जोखिममा पार्ने, राज्य दोहन गर्ने, कर नतिर्ने, मन्त्रालयको स्वीकृतिबेगर चलाउने, हुण्डी कारोबार गर्ने, देशको मुद्रा अवैध ढंगबाट बाहिर लैजाने कुकर्ममा सामेल शिक्षण संस्थाहरूबारे बिजपाटीले निरन्तर खबरदारी गर्नेछ र गरिरहेको छ ।
यस अघि:
