२२७ देशबाट हेर्न सकिन्छ युरोकपको प्रत्यक्ष प्रसारण, तपाई रहेको देशमा कुन च्यानल? (सुचीसहित)

मिनी विश्वकपको रुपमा चिनिने युरो कप प्रतियोगिता शुक्रबारदेखि सुरु भएको छ । शुक्रबार उद्घाटन खेलमा इटालीले टर्कीलाई ३-० गोल अन्तरले पराजित गरेको छ ।

युरोप महादेशका टिमहरुले मात्र सहभागिता जनाउने यो प्रतियोगितामा आज जुन ११ देखि जुलाई ११ तारिखसम्म चल्ने छ । सन् २०२० मै हुनु पर्ने यो प्रतियोगिता कोरोना भाइरस महामारीको कारण सन् २०२१ मा हुन लागेको हो । प्रतियोगितामा कुल २४ टिम रहेका छन् । प्रतियोगिताको ६० वर्षे इतिहासमा पहिलो पटक युरो कपका खेलहरु युरोपका विभिन्न ११ देशमा हुने छन् ।

कहाँ हेर्ने लाइभ ?

प्रतियोगिताको नेपाल सहित विभिन्न २२७ देशमा प्रत्यक्ष प्रसारण हुन्छ । आयोजना युरेपी फुटबल संघ युएफाले २२७ देशमा प्रत्यक्ष प्रसारणको ब्यबस्था मिलाएको हो ।

हेर्नुस कुन देशमा कुन च्यानलमा हेर्ने लाइभ ?

को को छन् सहभागी टिम ?

प्रतियोगितामा टर्की, इटाली, वेल्स, स्विजरल्याण्ड, डेनमार्क, फिनल्याण्ड, बेल्जियम, रसिया, नेदरल्याण्ड, युक्रेन, अस्ट्रिया, नर्थ मेसोडोनिया, इंग्ल्यान्ड, क्रोएसिया, स्कटल्याण्ड, चेक रिपब्लिक, स्पेन, स्विडेन, पोल्याण्ड, स्लोभाकिया, हंगेरी , पोर्चुगल , फ्रान्स र जर्मनीले सहभागिता जनाउने छन्।

यी २४ टिमलाई ६ समुहमा विभाजन गरिएको छ । हरेक समुहको समुह बिजेता र समुह उपविजेताहरु अर्को चरणमाप्रवेश गर्ने छन् । त्यस्तै तेस्रो स्थानमा रहने मध्येबाट उत्कृष्ट ४ टिम पनि दोस्रो चरण पुग्ने छ ।

उद्घाटन खेलमा इटाली र टर्की भिड्ने छन् । यो खेल नेपाली समय अनुसार राति १२:४५ बजे सुरु हुनेछ । प्रतियोगिताको सबै खेलहरु सोनी स्पोर्ट्स नेटवर्कले प्रत्यक्ष प्रसारण गर्ने छ । सोनी सिक्स, सोनी टेन वान, सोनी टेन टु र सोनी टेन फोरमा प्रतियोगिता हेर्न सकिने छ ।

को कुन समुहमा ?

समुह ए मा टर्की, इटाली , वेल्स र स्विजरल्याण्ड रहेका छन् । त्यस्तै समुह बि मा डेनमार्क, फिनल्याण्ड, बेल्जियम र रसिया रहेका छन् । समुह सी मा नेदरल्याण्ड , युक्रेन, अस्ट्रिया र नर्थ मेसेडोनिया रहेका छन् । समुह डिमा इंग्ल्यान्ड, क्रोएसिया, चेक रिपब्लिक र स्कटल्याण्ड । समुह ई मा स्पेन , स्वीडेन, पोल्याण्ड र सोल्भाकिया। समुह अफ भने सबै भन्दा कठिन समुह रहेको छ। यस समुहमा पोर्चुगल, फ्रान्स, जर्मनी, र हंगेरी छन् । पोर्चुगल, फ्रान्स, जर्मनी सबैले युरोकप को उपाधि जितिसकेका छन्। सन् २०१६ को उपाधि जितेको पोर्चुगल प्रतियोगिताको डिफेन्डिङ च्याम्पियन हो ।

बिजपाटीमा 'Predict & Win' प्रतियोगिता, कसरी हुने सहभागी ?

मिनी विश्वकपको रुपमा चिनिने युरो कप प्रतियोगिताको अवसर पारेर बिजपाटी डटकमले 'predict & win' प्रतियोगिता संचालनमा ल्याएको छ । युरोकपलाई थप रोमान्चक बनाउन बिजपाटीले तपाईकोपसल डटकमसँगको साझेदारीमा यो प्रतियोगिता संचालनमा ल्याएको हो ।

यस प्रतियोगितामा जो कोहि सहभागी भएर युरोकप अन्तर्गत खेलिने ५१ वटै खेलको नतिजा अनुमान गर्न सक्ने छन् । यो प्रतियोगिता बिजपाटीको सब डोमेन https://sports.bizpati.com/ मार्फत संचालन हुने छ । प्रतियोगितामा सहभागी हुनको लागि आफ्नो इमेल मार्फत रजिस्टर गर्नु पर्ने छ वा फेसबुक मार्फत लगइन गरि सहभागी हुन सकिने छ ।

खेलको नतिजा सही रुपमा अनुमान गरेमा प्रति खेल १०० अंक प्राप्त गर्न सकिने छ । यस हिसाबमा ५१ खेलबाट अधिकतम ५१०० अंक प्राप्त गर्न सकिने छ । ५१ खेलको समाप्तिमा सबैभन्दा उच्च अंक प्राप्त गर्ने ३ जनालाई आकर्षक उपहार प्रदान गरिने छ । प्रतियोगिताको नियम हेर्नको लागि यहाँ क्लिक गर्नु होला ।

बिजपाटीले यस अघिको विश्वकपमा पनि यस्तै खालको 'predict & win' प्रतियोगिता संचालन गरेको थियो ।