.gif)
मानुषी लघुवित्तले निष्काशन गरेको आईपिओमा ८३ गुणा बढीको आवेदन परेको छ । कम्पनीको आईपिओमा आवेदन दिन आज अन्तिम दिन आइतबार साँझ सम्ममा २४ लाख ३ हजार ५५ जना आवेदकबाट ३ करोड ६ लाख ३२ हजार ४ सय ५० कित्ताको लागि आवेदन परेको हो । यो माग गरिएभन्दा ८३.१० गुणा बढी हो ।
कम्पनीले साउन २७ गतेदेखि आईपिओ बिक्रि खुला गरेको छ । कम्पनीले ३ करोड ९३ लाख ७५ हजार बराबरको ३ लाख ९३ हजार ७ सय ५० कित्ता शेयर निष्काशन गरेको हो ।
जस मध्ये जारी पुँजीको ०.५ प्रतिशतले हुन आउने ५४६९ कित्ता कर्मचारीलाई र जारी पुंजीको ५ प्रतिशतले हुन आउने १९ हजार ६ सय ८८ कित्ता शेयर सामूहिक लगानी कोषको लागि छुट्याईएको थियो । बाँकि रहेको ३ लाख ६८ हजार ५ सय ९३ कित्ताको लागि सर्वसाधारणले आवेदन दिएका हुन् ।
माग भन्दा बढीको आवेदन परेकोले कम्पनीको गोलाप्रथाबाट बाँडफांड हुने छ । जस अनुसार ३६ हजार ८ सय ५९ जनाले मात्र शेयर पाउने छन् । यस हिसाबमा आवेदन दिने २३ लाख बढी आवेदक हात खाली हुने छन् ।
शेयर निष्काशनको लागि नेपाल एसबिआइ मर्चेन्ट बिक्रि प्रबन्धक रहेको छ । कम्पनीले बैशाख १३ गते शेयर निष्काशनको अनुमति माग गर्दै बोर्डमा आवेदन दिएकोमा असार ३१ गते शेयर निष्काशनको लागि अनुमति पाएको थियो।
कम्पनीको केन्द्रिय कार्यालय काभ्रेमा रहेको छ ।
यो पनि ; मानुषी लघुवित्तको आईपिओ रिभ्यु: संचालक र ब्यबस्थापनदेखि वित्तीय अवस्थासम्मको सम्पूर्ण विवरण
.gif)
