.gif)
राष्ट्रिय बाणिज्य बैंकले आइतबारदेखि आरबीबी स्मार्ट सेवा सेवा सुरु गरेको छ। यस स्मार्ट सेवा मोवाइलको एसएमएस र इन्टरनेट दुवैबाट चलाउन सकिनेछ।
स्मार्ट सेवाको प्रयोगबाट ग्राहकले घरमै बसेर आफ्नो खाताको कारोबार, मौज्दात, दुई प्रतिशत छुटमा मोवाइल टपअप रिचार्ज, अन्तर बैंक रकम ट्रान्सफर, कर्जाको साँवा ब्याज भुक्तानी, चेकबुकको माग, अन्य मर्चेन्ट भुक्तानी, सिकायत, बैंकको शाखा तथा एटिएम लोकेसनको जानकारी आफ्नै मोवाइलबाट लिन सक्नेछन्।
बैंकको सिस्टममा आफ्नो मोबाइल रजिस्ट्रेसन गरेपछि संसारको कुनै पनि कुनाबाट इन्टरनेटको माध्यमबाट संचालन गर्न सकिने बैंकले जनाएको छ। यो सेवा राष्ट्रिय वाणिज्य बैंकको १६८ वटै शाखा एवं ईलेक्ट्रोनिक बैंकिङ विभागबाट वार्षिक रुपमा रु १५० शुल्क तिरेर लिन सकिने छ।
मोबाइल सेवामा आवद्ध दुई लाख भन्दा बढी ग्राहकहरुकले यो सेवा तत्कालै प्रयोग गर्न सक्ने बैंकले जनाएको छ।
.gif)
