.gif)
अर्ना वियरले टी-२० विश्वकपको एसिया छनोटमा नेपाली खेलाडीका लागि घोषणा गरेको नगद पुरस्कारको नियममा परिमार्जन गरेको छ । अब अर्ना बियरले रन आउट, स्टम्पीङ , क्याचको पनि नगद प्रोत्साहन दिने छ ।
जस अनुसार हरेक क्याचको लागि खेलाडी (बलर बाहेक ) ले २५ हजार पाउने छन् । बलरले नै क्याच लिएमा भने उसले विकेटको मात्र नगद पाउने छ । त्यस्तै रन आउट र स्टम्पीङ गर्ने खेलाडीले पनि २५ हजार पाउने छ । त्यस्तै खेलाडीले बनाउने प्रत्येक रनको १ हजार, चौकाको थप १० हजार, छक्काको थप २० हजार रुपैयाँ अर्नाले दिने छ।
त्यस्तै बलिङतर्फ एउटा डट बल बराबर १ हजार, मेडन ओभरको १० हजार र हरेक विकेटमा २५ हजार रुपैयाँ दिने अर्नाले जनाएको छ। विकेट लिएको बललाई भने डट बल नमानिने अर्नाले जनाएको छ। अर्ना बियरले गत भदौमा भएको एसिया कप क्रिकेटमा चौका, छक्का र विकेट लिने खेलाडीलाई पुरस्कार दिएको थियो ।
टी–२० विश्वकपको एसिया छनोट सोमबारदेखि काठमाडौंमा सुरु भएको छ । नेपालले पहिलो खेलमा सिंगापुरलिई हराएको थियो । आज नेपालले मलेशियासँग खेल्दै छ ।
.gif)
