.gif)
नेपाल टि २० विश्वकप एशिया छनौटको सेमिफाइनलमा प्रवेश गरेको छ। आज मलेशियालाई पराजित गरेसंगै नेपालले समुह चरणको एक खेल अगावै सेमिफाइनलमा स्थान पक्का गरेको हो ।
आजको खेलमा टस जितेर पहिले ब्याटिंग गरेको मलेशियाले ९ विकेटको क्षतिमा १६५ रन बनाएको थियो । नेपालको लागि अविनाश बोहराले सर्वाधिक ४ विकेट लिएका थिए। त्यस्तै सन्दिप लामिछाने, गुलशन झा र रोहित पौडेलले समान १/१ विकेट लिएका थिए ।
१६६ रनको लक्ष्य पछ्याएको नेपालले उक्त लक्ष्य ४ विकेटको क्षतिमा १८ ओभरमा भेट्टायो । नेपालको लागि कुशल मल्लले ३४ बलमा ६५ रन बनाए । त्यस्तै कुशल भुर्तेलले २५ बलमा ४३ रन बनाए। आशिफ शेखले २३ बलमा ३२ रन बनाउँदा सन्दिप जोराले १६ बलमा १८ रन बनाए ।
अब नेपालले समुह चरणको अन्तिम खेल बिहिबार ओमानसँग खेल्ने छ । ओमान र नेपालले सेमिफाइनलमा स्थान पक्का गरिसकेका छन् । यो खेल जित्ने टिम समुह बिजेता बन्ने छ ।
नेपाल र ओमान समुह ए मा रहेका छन् । सेमिफाइनलमा समुह ए को समुह बिजेताले समुह बि को उपविजेतासँग खेल्ने छ । त्यस्तै समुह ए को उप बिजेताले समुह बिको बिजेतासँग खेल्ने छ । समुह बिमा युएई , बहराइन , हंगकंग र कुवेत छन् ।
सेमिफाइनलमा जित्ने २ टिमले सन् २०२४ मा हुने टि २० विश्वकप खेल्न पाउने छ ।
.gif)
