चालु आर्थिक वर्ष २०८०/०८१ को ५ महिनामा करिब ५५ करोड रुपैयाँको अर्मिसो निर्यात भएको छ । साउन महिनादेखि मसिंरको अन्त्यसम्ममा ५४ करोड ९० लाख ३१ हजार रुपैयाँ बराबरको अर्मिसो नेपालबाट निर्यात भएको भन्सार विभागले जनाएको छ ।
विभागका अनुसार यो अवधिमा ४५ लाख ७६ हजार १४० केजी अर्मिसो निर्यात भएको हो । उक्त सबै अर्मिसो भारत निर्यात भएको तथ्यांकमा उल्लेख छ ।
जसमध्ये ८ करोड ८५ लाख ६४ हजार रुपैयाँ बराबरको ७ लाख ३४ हजार ३० केजी अर्मिसो मसिंर महिनामा मात्र निर्यात भएको हो ।