.gif)
काठमाडौँ उपत्यकामा आज यसपाली हिउँदकै सबैभन्दा बढी जाडो महसुस भएको छ । आज बिहान ५ः४५ बजे काठमाडौँ उपत्यकामा न्यूनतम तापक्रम २.२ डिग्री सेल्सियस मापन भएको छ ।
जल तथा मौसम विज्ञान विभागका मौसमविद गोविन्द झाका अनुुसार आज मापन भएको २.२ सेल्सियस तापक्रम यो वर्षमा अहिलेसम्मकै कम हो ।
गत बिहीबार र शुक्रबार काठमाडौँको न्यूनतम तापक्रम ३ डिग्री सेल्सियस मापन गरिएको थियो ।
तत्काल हिउँदे वर्षाको सम्भावना नभएकाले जाडो अझै बढ्न सक्ने अनुमान गरिएको छ ।
हाल तराई मधेशका अधिकांश जिल्लामा बाक्लो हुस्सु लागेको छ । यस्तो अवस्था अझै केही दिन कायम रहने सम्भावना रहेको मौसमविद बताएका छन् ।
जाडो बढे पनि तराई मधेशका जिल्लामा शीतलहरको घोषणा भने गरिसकेको छैन ।
.gif)
