सरकारले निजगढ अन्तराष्ट्रिय विमानस्थलको निर्माण कार्य चाँडै सुरु गरिने जनाएको छ । सरकारको नीति तथा कार्यक्रम सार्वजनिक गर्दै राष्ट्रपति विद्यादेवी भण्डारीले सरकारको तर्फबाट निजगढ विमानस्थलको निर्माण कार्य चाँडै सुरु गरिने जानकारी दिईन ।
भैरहवा अन्तराष्ट्रिय विमानस्थलाई सन् २०१९ भित्रै संचलनमा ल्याईने र पोखरा क्षत्रिय अन्तराष्ट्रिय विमानस्थल २०२१ को सुरुवात बाटै संचालनमा आउने गरि काम गर्ने सरकारको योजना छ ।
राष्ट्रपति भण्डारीले गौतमबुद्ध अन्तराष्ट्रिय विमानस्थलको भौतिक प्रगति ७५ प्रतिशत र पोखरा क्षेत्रीय अन्तराष्ट्रिय विमानस्थलको भौतिक प्रगति ४० प्रतिशत सकिएको बताएकी छिन् । आन्तरिक ७ वटा विमानस्थलमा रात्रीकालिन उडान सुरु भएको र बन्द अवस्थामा रहेका ५ वटा घरेलु विमानस्थल संचालनमा आएको र आगामी वर्ष यो संख्या बढाउने सरकारको योजना छ ।