शुभम पावर लिमिटेडले आयोजना प्रभावित स्थानीयको लागि जेठ २० गतेदेखि साधारण सेयर (आईपिओ) निष्कासन गर्ने भएको छ । कम्पनीले आयोजना प्रभावित क्षेत्र संखुवासभाका स्थानीयबासिन्दाका लागि २ करोड रुपैयाँ बराबरको २ लाख कित्ता आईपिओ निष्कासन गर्न लागेको हो ।
आईपिओमा न्युनतम ५० देखि अधिकतम एक हजार कित्तासम्म आवेदन दिन सक्ने छन् । आईपिओमा छिटोमा असार ३ र ढिलोमा असार २४ गतेसम्म आवेदन दिने सकिने छ । आइपियो बिक्रिको लागि सीबीआईएल क्यापिटल बिक्रि प्रबन्धक रहेको छ ।
स्थानीयलाई आईपिओ बिक्रि गरेपछि कम्पनीले सर्बसाधारणलाई शेयर जारी गर्ने छ । स्थानीय र सर्वसाधारणलाई आईपिओ बिक्रि गरेपछि कम्पनीजी चुक्ता पुंजी २० करोड रुपैयाँ पुग्ने छ ।
कम्पनीले संखुवासभामा करिब एक मेगावाट क्षमताको पिलुवाखोला जलविद्युत आयोजना सम्पन्न गरी ०६८ साउन १ गतेदेखि बिजुली उत्पादन गरिरहेको छ ।