२ हाइड्रोपावर कम्पनीले अईपियो निष्काशनको माग गर्दै नेपाल धितोपत्र बोर्डमा आवेदन दिएका छन् ।
ग्रीन लाइफ हाइड्रोपावर लिमिटेडले स्थानीयको लागि र जोशी हाइड्रोपावर डेभलपमेन्ट कम्पनीले सर्वसाधारणको लागि आईपिओ निष्काशन गर्न माग गर्दै बोर्डमा आवेदन दिएका हुन् ।
ग्रीन लाइफले स्थानीयका लागि १८ करोड रुपैयाँ बराबरको १८ लाख कित्ता आईपीओ निष्कासन गर्ने तयारी गरेको हो । कम्पनीको विक्री प्रवन्धकमा काठमाडौं क्यापीटल मार्केट लिमिटेड रहेको छ । कम्पनीले दोलखामा ४० मेगावाटको आयोजना निर्माण गरिरहेको छ ।
त्यस्तै जोशी हाइड्रो पावरले सर्वसाधारणको लागि १६ करोड ९० लाख ४७ हजार बराबरको १६ लाख ९० हजार ४७० कित्ता सेयर निष्काशन गर्न लागेको हो । कम्पनीको बिक्रि प्रबन्धक सिद्दार्थ क्यापिटल रहेको छ ।
कम्पनीले यस अघि आयोजना प्रभावित क्षेत्र इलाम जिल्ला, इलाम नगरपालिका वडा नं १, ३ र ४ का वासिन्दाहरुको लागि ३ करोड ७१ लाख ४० हजार रुपैंया बराबरको तीन लाख ७१ हजार चार सय कित्ता शेयर निष्काशन गरेको थियो । कम्पनीको आईपिओमा केवल १ लाख २९ हजार ३ सय कित्ताको माग परेको थियो । यो कुल निष्काशनको ३४.८१ प्रतिशत मात्र हो । अर्थात् कम्पनीको आधा आईपिओ पनि बिक्रि हुन् सकेको थिएन । कम्पनीको दुई लाख ४२ हजार १० कित्ताको लागि माग नआएको हो । स्थानीयबाट आवेदन नपरेको शेयर कम्पनीले सर्वसाधारण बिक्रि गर्न लागेको हो ।
जोशी हाइड्रोपावरले इलामको पुवाखोलामा तीन मेगावाट क्षमताको जलविद्युत आयोजना सञ्चालन गरिरहेको छ ।