सानिमा बैंक Sanima Bank Limited ले आज कार्तिक ३० गतेदेखि २ अर्बको ऋणपत्र निष्काशन बिक्रि खुला गरेको छ । बैंकले प्रतिकित्ता एक हजार रुपैयाँ दरमा २० लाख कित्ता ऋणपत्र निष्काशन गरेको हो । '१०% सानिमा डिवेञ्चर २०८५' नाम दिइएको उक्त ऋणपत्रमा बार्षिक १० प्रतिशत ब्याजदर प्राप्त हुनेछ । ऋणपत्र निष्काशनको लागि काठमाडौँ क्यापिटल बिक्री प्रबन्धक रहेको छ छ ।
ऋणपत्रमा लगानीकर्ताले छिटोमा मङ्सिर ४ गतेसम्म र सो अवधिमा पर्याप्त आवेदन नपरेको खण्डमा पुस १ गतेसम्म आवेदन दिन सक्ने छन् ।
कुल ऋणपत्रमध्ये २० प्रतिशत अर्थात ४० करोड रुपैयाँ सर्वसाधारणका लागि बिक्री गरिने छ भने बाँकि ८० प्रतिशत अर्थात एक अर्ब ६० करोड रुपैयाँ व्यक्तिगत तवर मार्फत बिक्री हुनेछ । अर्ध वार्षिक रुपमा व्याज भुक्तानी गरिने उक्त ऋणपत्रको अवधि १० वर्ष तोकिएको छ ।
लगानीकर्ताले सम्पूर्ण सीआश्वा सदस्य बैंक तथा वित्तीय संस्थाबाट आवेदन दिन सक्ने छन् । इक्रा नेपालले यस सार्बजनिक निष्काशनलाई न्यून कर्जा जोखिम जनाउने LA ग्रेड रेटिंग प्रदान गरेको छ । सर्बसाधारणले न्यूनतंम २५ कित्ता र अधिकतम ३ लाख ८० हजार कित्ताको लागि आवेदन दिन सक्ने छन् ।
