वेस्ट इन्डिजमा जारी क्यारेबियन प्रिमियर लिगमा सन्दिप लामिछाने आबद्द रहेको टिम सेन्ट किट्स एन्ड नेभिस प्याट्रियोट्स अंक तालिकाको शिर्ष स्थानमा उक्लिएको छ । बारबाडोस ट्रिडेन्सलाई २ विकेटले पराजित टोली १० खेलमा ५ जित सहित ११ अंकका साथ शिर्ष स्थानमा उक्लिएको हो ।
यस संगै सेन्ट किट्स एन्ड नेभिस प्याट्रियोट्सको लिग चरणका सबै १० खेल सम्पन्न भएको छ । टोली शिर्ष स्थानमा उक्लेको भएपनि यो लामो समय भने टिक्ने छैन । हाल अंक तालिकामा दोस्रो , तेस्रो र चौथी स्थानमा रहेका टिमको समान १०-१० अंक छ र उनीहरुले अझै ३ वटासम्म खेल खेल्न बाँकि छ ।
यद्यपि अन्य खेलको नतिजा जे सुकै आएपछि सन्दिपको टिम प्ले अफमा भने पुगी सकेको छ । एसिया कप खेल्ने बिचमै मलेशिया फर्केका सन्दिप हाल टिममा छैनन् । तर उनी प्ले अफको लागि पुन वेस्ट इन्डिज फर्कने सक्ने छन् ।
