कोरोना भाइरसको कारण अन्तराष्ट्रिय फुटबलका २ ठुला प्रतियोगिताको मिति सरेको छ । कोरोना भाइरसको कारण युरो कप र कोपा अमेरिकाको मिति सरेको हो ।
२०२० मा हुन् तय भएको युरो कप अब २०२१ मा हुने भएको छ । २०२० को जुन १२ देखि जुलाई १२ सम्म तय भएको प्रतियोगिता अब २०२१ को जुन ११ देखि जुलाई ११ सम्म संचालन हुने छ । नेसन्स लिग र युरोपियन अन्डर २१ च्याम्पिनसिप पनि सरेको छ । त्यस्तै युरो कपको प्ले अफ खेलको मिति पनि सरेको छ ।
त्यस्तै अमेरिकन देशहरु सहभागी हुने कोपा अमेरिका प्रतियोगिता पनि १ वर्ष पछाडी धकेलिएको छ । अब यो प्रतियोगिता २०२१ को जुन र जुलाईमा हुने छ ।
