नव नियुक्त ऊर्जा, जलस्रोत तथा सिंचाइमन्त्री टोपबहादुर रायमाझीले मिलेनियन च्यालेन्ज कर्पोरेसन (एमसीसी) परियोजना कार्यान्वयन गर्नु पर्ने बताएका छन् । मन्त्रालयमा आज बिहान पदभार ग्रहण गर्दै उनले सम्झैता नेपालको पक्षमा रहेको दाबी गर्दै कार्यान्वयनमा जानु पर्ने बताएका हुन् ।
देशको स्वाभिमानलाई कमजोर पार्ने बुँदाहरु सच्याउन सकिने भएकोले विवाद सिर्जना गर्ने भन्दा पनि कार्यान्वयनको पक्षमा सहयोग गर्न उनले आग्रह गरेका हुन् ।
मन्त्री रायमाझीले आगामी दिनमा ऊर्जा उत्पादन र खपत बढाउँदै जाने पनि बताए । ऊर्जामा अझै पनि आत्मनिर्भर हुन नसके पनि निर्यातको क्षेत्रमा अगाडि बढिरहेको उनको भनाई थियो ।