आज बुधबार सुनको भाउ बढेको छ । मंगलबार तोलाको ९२ हजार ३ सयमा कारोबार भएको छापावाला सुनको भाउ आज तोलामा ४ सय रुपैयाँले बढेर तोलाको ९२ हजार ७ सय पुगेको हो ।
तेजाबी सुनको भाउ पनि आज तोलामा ४ सयले नै बढेर ९२ हजार २ सय पुगेको छ ।
चाँदीको भाउ भने आज पनि तोलाको १२ सय ५० रुपैयाँमा स्थिर छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ७९ हजार ४७५ रुपैयाँ, प्रति १० ग्राम तेजावी सुनको भाउ ७९ हजार ४५ रुपैयाँ र प्रति १० ग्राम चाँदीको भाउ १ हजार ७१ रुपैयाँ ५० पैसा कायम गरेको छ ।