आज शुक्रबार पनि सुनको भाउ बढेको छ । बिहिबार तोलाको ९४ हजारमा कारोबार भएको छापावाला सुनको भाउ आज तोलामा ४ सय रुपैयाँले बढेर तोलाको ९४ हजार ४ सय रुपैयाँ पुगेको हो ।
तेजाबी सुनको भाउ पनि आज तोलामा ४ सयले नै बढेर ९३ हजार ९ सय पुगेको छ ।
चाँदीको भाउ आज तोलामा १५ रुपैयाँले बढेर १२ सय ८५ रुपैयाँ पुगेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ८० हजार ९३५ रुपैयाँ, प्रति १० ग्राम तेजावी सुनको भाउ ८० हजार ५०५ रुपैयाँ र प्रति १० ग्राम चाँदीको भाउ १ हजार १०२ रुपैयाँ कायम गरेको छ ।