.gif)
अग्नि ग्रपले अनलाइन सेवामार्फत् मानसिक स्वास्थ्यसम्बन्धी अभियान सञ्चालन गरिरहेको छ । जसअन्तर्गत आगामी तीन दिन महिन्द्रा नेपाल–अग्नि ग्रुपको फेसबुक पेजमार्फत् प्रमाणिक परिवर्तनकारी प्रशिक्षक (होलिस्टिक ट्रान्सफर्मेसनल कोच) प्रेरणा शाहबाट अन्तक्रिर्यात्मक तथा चिन्तनयोग्य प्रत्यक्ष संवादमा हुने कम्पनीले जनाएको छ । कार्यक्रमको सञ्चालन पूर्वमिस नेपाल श्रृङ्खला खतिवडाले गर्ने जनाइएको छ ।
उक्त प्रत्यक्ष संवादमा जोडिन कप्मनीले सर्वसाधारणलाई आग्रह समेत गरेको छ । कार्यक्रम शुक्रबार देखि आइतबारसम्म हरेक दिन ४ बजेदेखि ५ बजेसम्म सञ्चालन हुने कम्पनीले जनाएको छ ।
उक्त प्रत्यक्ष संवाद कार्यक्रमले मानिसहरूलाई आफ्नो जीवन शैली, योगासन, प्राणायाम एवं मानसिक तथा शारीरिक स्वास्थ्यसहित जीवनका सबै क्षेत्रका आफूले खोजेको जवाफ हासिल गर्न मद्दत पुग्ने कम्पनीको विश्वास छ ।
.gif)
