.gif)
नेपाल धितोपत्र बोर्डले ब्रोकर नम्बर ५ मार्केट केक्युरिटिज प्रालिलाई १० लाख जरिवाना गरेको छ । बोर्डले गत जेठ ४ गते कम्पनीलाई कारवाही गरेको हो ।
सम्पत्ति शुद्धीकरण तथा आतङ्कवादी क्रियाकलापमा वित्तीय लगानी निवारण सम्बन्धी निर्देशनको पालना नगरेकोले कारवाही गरिएको बोर्डले जनाएको छ । बोर्डका अनुसार उक्त कम्पनीले सम्पत्ति शुद्धीकरण तथा आतङ्कवादी क्रियाकलापमा वित्तीय लगानी निवारण सम्बन्धी निर्देशन,२०७६ को दफा १८(१) को व्यवस्थाको परिपालना नगरेको पाइएको हो ।
उक्त दफामा कम्पनीहरुले सम्पत्ति शुद्धीकरण तथा आतङ्कवादी क्रियाकलापमा वित्तीय लगानी निवारण सम्बन्धी निर्देशन बमोजिम सम्पादन गरेका कार्यहरूको अर्ध बार्षिक प्रतिवेदन उक्त अवधि व्यतित भएको पन्ध्र दिनभित्र बोर्डमा पठाउनु पर्नेछ । कम्पनीले प्रतिवेदन नपठाएकोले जरिवाना गरिएको बोर्डले उल्लेख गरेको छ ।
कम्पनीलाई सम्पत्ति शुद्धिकरण (मनी लाउन्डरिङ्ग) निवारण ऐन, २०६४ को दफा ७फ.को उपदफा (१) को खण्ड (ख) बमोजिम दश लाख रुपैयाँ जरिवाना गरिएको बोर्डले जनाएको छ।
.gif)
