एनआरएन नेपाल डेभलपमेन्ट फण्ड लिमिटेडले साधारणसभा आह्वान गरेको छ। कम्पनीले पुस २२ गते साधारणसभा आह्वान गरेको हो ।
सभामा लाभांश सहितका विविध प्रस्ताव पेश हुने छन् । कम्पनीले आ.व. २०७९/०८० को मुनाफाबाट ५ प्रतिशत ( कर सहित ) नगद लाभांश वितरण गर्न प्रस्ताव गरेको छ।
त्यस्तै कम्पनीको सभामा आ.व. २०७९/०८० को संचालक समितिको वार्षिक प्रतिवेदन छलफल गरि पारित गर्ने , आ.व. २०७९/०८० को वार्षिक आर्थिक विवरण सहितको लेखापरीक्षण प्रतिवेदन पारित गर्ने र आ.व. २०८०/०८१ को लागि लेखापरीक्षकको नियुक्ती तथा निजको पारिश्रमिक निर्धारण गर्ने प्रस्ताव पेश हुने छन्।
नेपालमा पूर्वाधार, उत्पादनशिल लगायतका क्षेत्रमा लगानी गर्ने गरी स्थापित यो कम्पनीको पुंजी १० अर्ब रुपैयाँ रहेको छ । कम्पनीमा गैरआवासीय नेपालीको ९ अर्ब ५० करोड रुपैयाँ र नेपाल सरकारको ५० करोड रुपैयाँ शेयर लगानी छ । कम्पनीले गैर आवासीय नेपालीलाई लक्षित गरि छिटै प्राथमिक सेयर (आईपीओ) निष्काशन गर्ने योजना बनाएको छ।