.gif)
के तपाई नेपाल बैंक लिमिटेडका सेवाग्राही हुनुहुन्छ ? त्यसो भए तपाईका लागि खुसीको कुरा छ ।
बैंकले प्रविधिलाई पच्छ्याउदै मोबाइल बैंकिङ सेवा सञ्चालन गर्ने भएको छ । मोवाइल बैंकिङ सेवा दिनका लागि नेपाल बैंक र एफवान सफ्ट इन्टरनेसनलवीच सम्झौता भएको छ ।
सम्झैतापत्रमा नेपाल बैंकका तर्फवाट बैंकका प्रमुख कार्यकारी अधिकृत देवेन्द्र प्रताप शाह र एफवान सफ्टका मार्केटिङ् डाइरेक्टर बिपुल ढकालले हस्ताक्षर गरेका थिए ।
यो मोवाइल बैंक सेवावाट ग्राहकले व्यालेन्स इन्क्वाइरी, कारोवार भएको जानकारी, फण्ड ट्रान्सफर भएको जानकारी पाउनेछन् । त्यस्तै ग्राहकले रिचार्जकार्ड किनेर नेपाल टेलिकम, एनसेल, ब्रोडलिङ्क, डिसहोमको पैसासमेत तिर्न सक्नेछन्। नेपाल बैंकका ग्राहकले इसेवा फोनपे नेटवर्कको सदस्य भएका ४० वटा बैंकसंग अन्तरबैंकिङ कारोवार गर्न सकिने र आफ्नो इसेवाको खातामा समेत पैसा जम्मा गर्न सकिने जनाइएको छ ।
नेपाल बैंकले देशभरीमा १२६ वटा शाखा सञ्चालनमा छ ।
.gif)
