राष्ट्रपति विद्यादेवी भण्डारी र जापानको सत्ताधारी लिबरल डेमोक्र्याटिक पार्टी अफ जापानका उपप्रमुख तोशिहिरो निकाइबिच भेटवार्ता भएको छ ।
उक्त भेटमा राष्ट्रपति भण्डारीले जापान नेपालको असल मित्र भएको बताईन् । साथै नेपालको विकास परियोजनामा सबैभन्दा ठूलो सहयोगी भएको उनले बताईन् ।
उपप्रमुख तोशिहिरो निकाइले दुई मुलुकको सम्बन्ध सकारात्मक भएको बताए । नेपालमा महिला सशक्तीकरण प्रयासका उदाहरणमा राष्ट्रपतिबाटै भएको उनले प्रशंसा गरे । साथै यसबाट जापानले पनि महिला सशक्तीकरणको बारेमा सिक्न सक्ने बताए ।