.gif)
प्रमुख प्रतिपक्षी दल नेपाली कांग्रेसका सांसद डा. मिनेन्द्र रिजालले लोकतन्त्रलाई भुलेर वर्तमान सरकार समाजवादको सपना बाँड्दै हिँडेको आरोप लगाएका छन् । सरकारले प्रस्तुत गरेको नीति तथा कार्यक्रममाथिको छलफलमा आइतवार संसदमा बोल्दै नेता रिजालले सरकारलाई संघीयता कमजोर बनाउने खेलमा नलाग्न सुझाव दिएका छन् ।
‘लोकतन्त्र शब्दसँग सरकारलाई घृणा लागेको हो ?’, रिजालले प्रश्न गरे । ‘सरकार धुलोमुक्त काठमाडौँ भन्दैछ तर मान्छे हाँस्दैछन्’, उनले भने, ‘सरकारले पनि जनता हँसाउने काम गर्दैछ, यो कस्तो रमिता हो ?’
सरकारले गलत तथ्यांक दिएर जनतालाई ढाँटेको रिजालको आरोप छ । ‘४० दिन अगाडि ८ सय किलोमिटर सडक पिच गरेको भन्ने सरकार ४० दिनपछि १६०० किमि सडक बनाउँछ’, उनले भने, ‘४० दिनमै ८ सय किलोमिटर सडक पप्पु कन्ट्रक्सनले बनायो कि क्या हो ?’
.gif)
