अन्ततः ३ महिनापछि नेपाल बैंकको एफपिओ सुचिकृत

शेयर बाँडफांड भएको ३ महिनापछि नेपाल बैंकको एफपिओ नेप्सेमा सुचिकृत भएको छ । आइतबार बैंकको १ करोड ७६ लाख ८४ हजार ८५८ कित्ता सेयर सुचिकृत भएको हो

बैंकले असार १५ गतेदेखि एक सय अंकित मुल्यमा १८० प्रिमियम थप गरि १ करोड ७६ लाख ८४ हजार ८५८ कित्ता सेयर निष्काशन गरेको थियो । जस मध्ये ९३ लाख ७५ हजार ६ सय ५० कित्ताको लागि मात्र आवेदन परेको थियो । कम आवेदन परेकोले सबै आवेदनले आफुले माग गरे बमोजिम कै शेयर पाएका थिए । बाँकि ८३ लाख ९ हजार २ सय ८ कित्ता प्रत्याभूतकर्ताले खरिद गर्नु पर्ने थियो । तर प्रत्याभूतकर्ताहरुले तेस्रो बजार खडा गरी आफूखुसी गैरकानुनी तवरले शेयर बिक्रि गरेको पाईएपछि बैंकको शेयर लामो समयसम्म पनि सूचीकरण हुन् सकेको थिएन ।

धितोपत्र बोर्डले अन्डरराइट गरिएका सेयर पहिले आफ्नो खातामा जम्मा गरेर मात्र तेस्रो पक्षलाई दोस्रो बजारबाट सेयर नामसारी गर्न प्रत्याभूतकर्ता ८ मर्चेण्ट बैंकरहरुलाई निर्देशन दिएपछि बल्ल कम्पनीको शेयर सुचिकृत भएको हो । शेयर सूचीकरण भएसंगै लगानीकर्ताले यी शेयर खरिद बिक्रि गर्न सक्ने छन् । साथै महिनौदेखि बन्धक भएको लगानीकर्ताको सम्पति समेत फुकुवा भएको छ ।

सम्बन्धित समाचार :