.gif)
काठमाडौँको भृकुटीमण्डपमा २५ औँ फ्लोरा एक्स्पो बिहिबारबाट सुरु भएको छ । ‘स्वच्छ वातावरण तथा आर्थिक सम्वृद्धिको लागि पुष्प व्यवसाय’ भन्ने नाराका साथ सञ्चालन भएको सो मेला ४ गतेसम्म चल्ने फ्तोरिकल्चर एशोसिएसन नेपालका उपाध्यक्ष तथा मेला संयोजक सिताराम पन्तले जानकारी दिएका हुन् ।
फ्लोरिकल्चर एसोसिएसन नेपालको आयोजना तथा पुष्प विकास केन्द्रको सह–आयोजनामा यो मेला सञ्चालन भएको पनि उनले बताएका छन् । मेलामा सर्वसाधारणलाई १५० रुपैयाँ र विद्यार्थीका लागि १०० रुपैयाँ प्रवेश शुल्क तोकिएको छ ।
संयोजन पन्तका अनुसार मेलामा जम्मा ७३ ओटा स्टलहरु रहेका छन् । जसमध्ये व्यावसायिक स्टल ६०, ल्याण्डस्केपिङ्ग स्टल ३, अफिसियल स्टल ८, प्रतियोगितात्मक प्रदर्शनीका लागि एउटा स्टल र फुड स्टल रहेका छन् । मेलामा फुल सम्बन्धि सम्पुर्ण सामाग्रिहरु पाईने भएकाले अवलोकनकर्ताले यस मेला भ्रमण गर्न जरुरी रहेको पनि उनले बताएका छन् । “खरिदकर्ताले फूल सम्बन्धि सामान किन्न विभिन्न पसलहरु धाउनु पर्छ । मेलामा फूल सम्बन्धि सबै सामानहरु एकै ठाउँमा पाउने भएकाले यो मेला गर्ने गरेका छौँ,” उनले भने ।
एक्स्पोमा ५० हजार जनाले अवलोकन गर्ने अनुमान गरिएको छ भने करिब १ करोड रुपैयाँ बराबरको व्यावसायिक कारोबार हुने संयोजक पक्षले अपेक्षा गरेका छन् ।
एक्स्पोमा सामन खरिद गर्न भन्दा पनि धेरै मानिसहरु अध्ययन गर्न पनि आउने गरेको उनको भनाई छ । प्रत्यक वर्ष व्यवसायीहरुले नयाँ नयाँ प्रजातीका विरुवाहरु भित्राउने भएकाले हरेक वर्ष अवलोकन कर्ताले मेलामा फरक द्धश्य देख्न पाउने पनि उनले जानकारी दिए । जाडो महिना सकिएर गर्मी महिना लाग्ने समयमा नै सबै प्रकारका फूलहरु फुल्ने भएकाले यो समयमा एक्स्पो गर्न लागिएको पनि उनले बताए।
.gif)
