.gif)
साताको तेस्रो दिन मंगलार सुनचाँदीको मूल्य बढेको छ । सोमबार प्रति तोला ५९ हजार ९ सयमा कारोबार भएको छापावाल सुन आज मंगलबार तोलामा ४ सयले बढेर ५९ हजार ३ सयमा कारोबार भईरहेको छ । त्यस्तै तेजावी सुन प्रति तोला ५९ हजार ५० मा कारोबार भईरहेको छ । चाँदी प्रति तोला ८ सय ९५ रुपियाँमा कारोबार भई रहेको छ ।
नेपाल सुनचांदी ब्यबसायी महासंघले आज मंगलबारको कारोबारमा प्रति १० ग्राम छापावाल सुनको मूल्य ५० हजार ८ सय ४० तोकेको छ भने प्रति १० ग्राम तेजाबी सुनको मूल्य ५० हजार ६ सय ८५ मा कारोबार भई रहेको छ । त्यस्तै प्रति १० ग्राम चाँदीको मूल्य ७ सय ६७ रुपियाँ ५० पैसा रहेको छ ।
किन बढ्दै छ सुनको मूल्य ?
१. अन्तराष्ट्रिय मुद्रा
युरोपियन युनियनबाट ब्रिटेन बहिरिंदा पाउण्डमा परेको असरका नेपालमा सुनको मूल्य बढ्न थालेको थियो । अहिले भने डलर कम्जोर हुँदा सुनको मूल्य बढेको नेपाल सुन चाँदी ब्यबसायी महासंघका निवर्तमान अध्यक्ष तेज रत्न शाक्यले बताए।
२. बढ्दो माग
महिलाहरुको चाड तिज र चाड पर्व नजिकिदै गर्दा सुनको माग बढेको र माग बढेसंगै मूल्य पनि बढेको शाक्य बताउछन् । माग बढे पनि गत बर्षको जस्तो नभएको उनको भनाई छ । बिगतमा यस सिजनमा दैनिक ६० किलो माग हुने गरेकोमा यस बर्ष भने १०-१५ किलो मात्र माग रहेको उनले जानकारी दिए । माग ४० किलो सम्म पुग्ने उनको अनुमान छ ।
३. अमेरिकी ब्याजदर
अमेरिकी बैंकले आगामी महिना ब्याजदर बढाउने चर्चा चलेको छ तर सम्भावना भने एकदम कम रहेको अन्तर्राष्ट्रिय संचार माध्यमहरुले जनाएका छन् । यदि बैंकले ब्याजदर घटाएमा बिस्तारै सुनको मूल्य घट्ने तर बैंकले ब्याजदर नबढाए सुनको मूल्य बढ्ने क्रम जारी रहेको शाक्यले बताए ।
.gif)
