.gif)
नेपाल विद्युत प्राधिकरणले नेपाल सरकार र एशियाली विकास बैंकको सहयोगमा निर्माण गरिरहेको तामाकोशी-काठमाडौँ २२०/४०० केभी प्रसारण लाइनको लागि जग्गा प्राप्तिको कार्य सुरु भएको छ । जिल्ला प्रशासन कार्यालय दोलखाले सो आयोजनाको लागि दोलखामा पर्ने जग्गा प्राप्तिको लागि सार्वजनिक सूचना जारी गरेको हो ।
यस आयोजनाले दोलखाका मेलुङ गाउँपालिका, सैलुङ गाउँपालिका, भिमेश्वर नगरपालिकाका ३६६ जना वासिन्दाहरुको नाम, थर, ठेगाना र क्षेत्रफ़ल सहित सार्वजनिक सूचना प्रकाशन गरेको हो । आयोजनले प्रसारण लाइन निर्माणको लागि आफ्नो जग्गा पर्ने जग्गाधनीलाई सूचना प्रकाशित भएको मितिले ३५ दिनभित्र भोगचलनको प्रमाण सहित मुआब्जा दाबी गर्नको लागि निवेदन दिन आग्रह गरेको छ । प्रसारण लाइन आयोजनाको कार्यालय खरिपाटी भक्तपुर वा आयोजनाको साइट कार्यलय चरिकोटमा निवेदन दिन सकिने छ ।
न्यु खिम्तीदेखि काठमाडौँसम्म बन्ने प्रसारण लाइनबाट अपर तामाकोशी सहित रामेछाप, दोलखा र सिन्धुपाल्चोकमा निर्माणाधीन अन्य आयोजनाको विद्युत राष्ट्रिय प्रसारण लाइनमा जोडिने छ । तामाकोशीले आयोजना सम्पन्न भई विद्युत उत्पादन गर्न थालेपनि यो प्रसारण नबनेसम्म आयोजनाको विद्युत खेर जाने छ ।
.gif)
