.gif)
मकवानपुर उद्योग वाणिज्य संघले उद्योग वाणिज्य महासंघको आसन्न अधिवेशनमा जिल्ला नगर उपाध्यक्षमा अरुणराज सुमार्गीलाई उम्मेदवार बनाउने गरी सिफारिस गरेको छ ।
महासंघको केन्द्रीय सदस्य र कृषि उद्यम केन्द्रको सभापतिसमेत रहेका सुमार्गीलाई चैतमा हुने अधिवेशनमा जिल्ला नगर उपाध्यक्षको उम्मेदवार बनाउने प्रस्ताव मकवानपुर उद्योग वाणिज्य संघले पारित गरेको हो ।
संघका अध्यक्ष कृष्ण अग्रवालको अध्यक्षतामा बसेको संघको नियमित बैठकले सुमार्गीलाई जिल्ला नगर तर्फको उपाध्यक्ष र खुल्ला तर्फको केन्द्रीय सदस्य पदमा संघका निवर्तमान अध्यक्ष कृष्ण कटुवाललाई उम्मेदवार बनाउने प्रस्ताव पारित गरेको हो ।
सुमार्गी बरिष्ठ उपाध्यक्षका उम्मेदवार अन्जन श्रेष्ठको समूहबाट जिल्ला नगर उपाध्यक्षका उम्मेदवार बन्ने तयारी स्वरुप देश दौडाहामा छन् ।
.gif)
