नेपाल उद्योग वाणिज्य महासंघका वरिष्ठ उपाध्यक्ष चन्द्रप्रसाद ढकालले स्थानीय तहका जनप्रतिनिधिहरुले विकास र लगानीका लागि प्रतिष्पर्धा गर्नुपर्ने बताएका छन् ।
बुटवल उद्योग वाणिज्य संघले आयोजना गरेको नवनिर्वाचित स्थानीय जनप्रतिनिधिहरुलाई बधाई तथा सम्मान कार्यक्रममा सम्बोधन गर्दै वरिष्ठ उपाध्यक्ष ढकालले स्थानीय जनप्रतिनिधिहरुले आफ्नो स्थानीयतहमा धेरै भन्दा धेरै उद्योग व्यवसायहरु सञ्चालन गर्ने, स्वदेशी तथा विदेशी लगानी भित्र्याउने र रोजगारी सृजना गर्ने विषयमा एकआपसमा प्रतिष्पर्धा गर्नुपर्ने बताएका हुन ।
तीन तहका सरकार तथा निजी क्षेत्रको
सहकार्यले मात्र जनअपेक्षा अनुरुपको विकास र सम्मृद्धि हासिल गर्न सम्भव भएको
बताउँदै ढकालले निजी क्षेत्रसँगको सहकार्यको महत्वलाई बुझेर अगाडि बढ्न जनप्रतिनिधिहरुलाई
आग्रह गरेका छन् ।
राज्य र निजी क्षेत्रबीच बलियो
साझेदारीका लागि आह्वान समेत गर्दै उनले भने छोटो समयमा मलेशियाले हासिल गरेको
विकासको उदाहरण दिदै ढकालले स्थानीय निकायहरुले लगानीका लागि अनुकूल
वातावरण बनाई निजी क्षेत्रको लगानी आकर्षित गर्ने हो भने राज्यले बिना लगानी धेरै
भन्दा धेरै फाइदा लिन सक्ने बताए
उनले निजी क्षेत्र मुलुकभित्र लगानी
वृद्धि, रोजगारी
सृजना, औद्योगिक
व्यवसायिक विकासमार्फत आम नेपालीको आमुल परिवर्तनमा निरन्तर क्रियाशिल रहदै आएको
बताए।