नेपाल उद्योग वाणिज्य महासंघ कोशी प्रदेशको अध्यक्षमा राजेन्द्र राउत निर्विरोध रुपमा चयन भएका छन् । कोशी प्रदेशको पाँचौं प्रदेशसभाले राउतलाई निर्विरोध रुपमा अध्यक्षमा चयन गरेको हो ।
उदयपुर उद्योग वाणिज्य संघ कटारीको अध्यक्षसमेत रहेका राउत वरिष्ठ उपाध्यक्षका उम्मेदवार उमेशलाल श्रेष्ठ समर्थित हुन् ।
उपाध्यक्षमा जिल्ला नगरतर्फ भीम पौडेल र एसोसिएट्सतर्फ कुमार मणि पौडेल निर्विरोध निर्वाचित भएका छन् ।
यसैगरी कोषाध्यक्षमा सुवास आचार्य निर्वाचित भएका छन् ।
सदस्यहरुमा विरेन्द्र साह, पृतम खड्गी, प्रकाश सिवाकोटी, ऋषि तिम्लिसिना, ध्रुब श्रेष्ठ, राजन श्रेष्ठ, दिपक पाण्डे, रविनकुमार दाहाल, भवेशकुमार श्रेष्ठ रश्रवणकुमार अग्रवाल सर्वसम्मत निर्वाचित भएका छन् ।