जनकपुरको विश्वकर्मा चोकमा संचालित
कश्यप इन्स्टिच्युट अफ इन्जिनीयरिङ एण्ड टेक्नोलोजीले चलाएको सिभिल इन्जिनीयरिङको ३
वर्षे डिप्लोमा कार्यक्रमबाट उत्तीर्ण भएका विद्यार्थीहरू त्यसपछि इन्जिनीयरिङमै
उच्च शिक्षा पढ्न पाएनन् ।
२ सय ३५ जना विद्यार्थीले तीन वर्ष
मेहेनेत गरेर पढेको खेर गयो । भारतको 'द इन्स्टिच्युट अफ सिभिल इन्जिनीयर्स'को
सम्बन्धन लिएर कश्यपले डिप्लोमा कार्यक्रम चलाएको थियो ।
त्रिभुवन विश्वविद्यालयले डिप्लोमा
कार्यक्रममा विदेशी सम्बन्धन लिने कुनै कानूनी व्यवस्था नभएको भन्दै समकक्षता
प्रमाणपत्र दिन अस्वीकार गर्यो । त्यसपछि ती विद्यार्थीहरू अलपत्र परेका थिए । न
उनीहरूले स्वदेशमा उच्च शिक्षा पढ्न पाए, न
विदेशमा नै । घटना ९ वर्ष अघिको हो ।
शिक्षा ऐनले नेपालमा कुनै पनि विदेशी
डिप्लोमा कार्यक्रम संचालन गर्ने अनुमति दिएको छैन । अहिले कश्यप इन्स्टिच्युट
बन्द रहेको छ तर शिक्षा मन्त्रालयले सार्वजनिक गरेको विदेशी सम्बन्धन प्राप्त कलेजहरूको
सूचीमा अहिले पनि कश्यप देखिन्छ ।
विद्यार्थीको शैक्षिक भविष्य डामाडोल
पार्ने गरी यति ठूलो गल्ती कश्यपका संचालकले त गरे नै, यसमा शिक्षा मन्त्रालयको पनि ठूलो कमजोरी देखिन्छ । कश्यपका संचालक
अरविन्द ठाकुरले अहिले आफ्नो कलेजमा ट्युसन र कोचिङ चलाइरहेका छन् । यसविरुद्ध
परेको मुद्दालाई पनि पैसाकै बलमा 'सेटल' गर्ने
प्रयास गरिएको थियो ।
तर त्यसबाट कतिपय कलेजले अझै पाठ
सिकेका छैनन् । अहिले पनि नेपालका केही कलेजहरूले विदेशी सम्बन्धनमा खुल्लम खुल्ला
डिप्लोमा कार्यक्रमहरू चलाइरहेका छन् । तीमध्ये कतिपयले पैसा खुवाएर त्रिभुवन
विश्वविद्यालयबाट समकक्षता दिलाउने गरेका छन् भने कतिपयले 'जे सुकै होस्' भन्दै विद्यार्थीलाई उल्लू बनाएका छन् ।
ललितपुरको लगनखेलमा रहेको सेन्टर फर
लिडरसिप एण्ड इन्टरप्रेनरसिप लगनखेलले क्लुनरी सोलुसन्स अष्ट्रेलिया इन्टरनेसनल
कलेजको सम्बन्धन लिएको भन्दै क्लुनरी आर्ट्स र बेकरीमा ८/८ सय घण्टे कक्षाहरू
संचालन गरेको छ । उक्त ८ सय घण्टे कार्यक्रमलाई कानूनले चिन्दैन । उक्त कोर्स
गरेपछि विद्यार्थीले त्यससँग सम्बन्धित उच्च शिक्षा लिन पाउँदैनन् ।
कलेजकी संचालिका सावित्री महर्जनले
आफूले शिक्षा मन्त्रालयको स्वीकृतिमै उक्त कार्यक्रम चलाएको दाबी गरिन् । जबकी
२०५९ सालमा जारी विदेशी शिक्षण संस्थाको सम्बन्धनमा उच्च शिक्षा संचालन गर्नेसम्बन्धी
निर्देशिकामा महर्जनले चलाउने गरेको कार्यक्रमको वैधता कहीं कतै उल्लेख छैन । मन्त्रालय
यसमा मौन छ ।
त्यस्तै विशालनगरमा रहेको आइईसी कलेज
अफ आर्ट एण्ड फेशनले इन्टेरियर आर्किटेक्टर र फेसन रिटेलिङ कक्षाहरू चलाइरहेको छ ।
त्यो पनि डिप्लोमा सरहकै कार्यक्रम रहेको शिक्षा मन्त्रालयका एक कर्मचारीले बताए ।
निर्देशिकाअनुसार मलेसियाको लिमकोकविङ युनिभर्सिटी अफ क्रियटिभ टेक्नोलोजीको
सम्बन्धनमा चलेको उक्त कलेजले चलाएको कार्यक्रम पनि वैध छैन । उक्त कार्यक्रम पूरा
गरेका विद्यार्थीहरू उच्च शिक्षा लिन योग्य हुँदैनन् ।
त्यस्तै काठमाडौँको मन्डिखाटारमा
संचालित ग्लोबल एकेडेमी अफ टुरिज्म एण्ड हस्पिटालिटी एजुकेसन (गेट) कलेजले नेपालको
कानूनले चिन्दै नचिन्ने डिग्री बाँडिरहेको छ । स्विजरल्याण्डको होटेल एसोसियसनको
नामबाट सम्बन्धन लिएको उक्त गेट कलेजले शिक्षा मन्त्री र कर्मचारीहरूलाई प्रभावमा
पारेर विद्यार्थीहरूलाई मूर्ख बनाइरहेको छ ।
बिजपाटीले गेट कलेजको ठगीधन्दाबारे
समाचार लेखेपछि उक्त कलेजका संचालक खेम लकाई स्विजरल्याण्ड उडेका छन् । उनले यसअघि
जेनेभास्थित नेपाली दूतावासमा कार्यरत शाखा अधिकृत भुवन पौडेललाई मोटो रकम दिएर त्यहाँको
होटेल एसोसियसन सम्बन्धन दिन योग्य शिक्षण संस्था हो भन्ने प्रमाणीकरण गर्न लगाएका
थिए ।
यसरी विद्यार्थीको भविष्य जोखिममा परिरहँदा शिक्षा मन्त्रालय भने मौन छ । मन्त्रालयले न त सही ढंगले नीति नियम लागू गराउन सकेको छ न त विद्यार्थीको शैक्षिक भविष्यको सुनिश्चितता गराउन नै खोजेको छ । अनुगमन गर्नका लागि कहिलेकाँही बन्ने उपसमितिहरू पनि आर्थिक प्रलोभनमै पर्ने र जे जसरी कलेजहरू चलेका छन् त्यसै गरी चल्न दिने गरी सिफारिस गर्ने गरेका छन् ।
यसअघि -
गैर-कानूनी रूपमा आइबी कार्यक्रम चलाएको प्रिमियरले यसरी गर्छ 'हुण्डी धन्दा'
शिक्षामा माफियाकरण : कालोसूचीमा परेको लिंकन विश्वविद्यालयको सम्बन्धनमा विद्यार्थीमाथि ठगी
प्रिमियरको ठगीधन्दा : 'आइबी'का नाममा कानून उल्लङ्घन, सर्टिफिकेटको कानूनी मान्यता शून्य
होटेललाई विश्वविद्यालय भन्दै गेटले यसरी बाँड्छ नक्कली डिग्री
नक्कली पीएचडीको बिगबिगी : एक हातमा पैसा अर्कोमा प्रमाणपत्र, नाममा डा. झुण्डिएपछि सचिव पनि मख्ख
गेटको 'गैरकानूनी धन्दा' : कलेजकै नामबाट नक्कली ब्याचलर डिग्री, विद्यार्थीको हरिबिजोग
शिक्षा मन्त्रालयको बदमासीले विदेशी सम्बन्धनप्राप्त कलेज छाडा भए - डा. कोइराला [अन्तर्वार्ता]
विदेशी सम्बन्धन प्राप्त 'अवैध' कलेजमाथि प्रश्न उठाउने उपसचिवको स्थानीय तहमा सरुवा
नेपालको शिक्षालाई दोष दिएर 'कमाउ धन्दा'मा लागेका ब्रिटिश कलेजहरूलाई कतिन्जेल सही मानिरहने ?
विद्यार्थी किनबेचको अखडा 'आइएसएमटी' : कारवाही गर्नुको साट्टो शिक्षा मन्त्रीले दिए नयाँ उपहार
ब्रिटिश कलेजको गजबको धन्दा : विद्यार्थीबाट चर्को फी उठाउने, पहिलो बर्ष चिया खुवाउने पठाउने !
विद्यार्थीलाई प्रयोग गरेर जबरजस्ती गैरकानूनी 'धन्दा' चलाउँछ ब्रिटिश कलेज
आइटी पढ्न खोज्नेहरू यसरी बन्छन् इस्लिङ्टनको 'शिकार', टीयुको प्रवेश परीक्षाबाटै चोरिए विद्यार्थी
ब्रिटिश कलेज : शक्तिका आडमा दुई नम्बरी धन्दा, बेलायत घुम्न पाएपछि शिक्षामन्त्री दङ्ग !
इस्लिङ्टनसहित ५ ‘अवैध’ कलेजमाथि कारवाहीको सिफारिस, यस्तो छ छानविन प्रतिवेदन
ब्रिटिश कलेजको ठगीकाण्ड : ३ वर्षे कोर्षलाई अवैध रूपमा ४ वर्षे बनाएर विद्यार्थीसँग पैसा असूल !
बिजपाटी समाचार प्रभावः संसदमै उठ्यो विदेशी सम्बन्धन लिएर चलेका कलेज खारेजको माग
कानून कुल्चेर लिंकनले यसरी बिस्तार गरेको छ 'शैक्षिक माफिया सञ्जाल'
इस्लिङ्टनले यसरी गर्छ सिंगापुर हुँदै बेलायतसम्म गैर-कानूनी आर्थिक कारोबार
लिंकन युनिभर्सिटीका नाममा चलेको केएफए कलेज, जसलाई शिक्षा मन्त्रालयले चिन्दैन
शिक्षण संस्थाहरुको गैरकानुनी र अवैध धन्दाबारे समाचार लेख्दा बिजपाटीलाई लिंकनको नामबाट धम्की
आर्थिक प्रलोभनको आडमा नेपालमा लिंकनको माफिया संजाल
विदेशी सम्बन्धनवाला कलेजले निम्त्याएको ‘हरिबिजोग’, नेपाली विद्यार्थीको भविष्य उच्च जोखिममा
